Tamdint n Lezzayer, 2019. Yesɛa 26 n yiseggasen. Ur yelli d imsenceb, ur yelli d ameɣnas iḥemqen. D ilemẓi kan gar ugdud, annay azzayri deg ufus-is, yewwi-t waḍu n usirem amazday. Maca deg waḍu d-isuḍen deg ass-nni n yunyu, aqmaḍ iɛawed nnican : dayen awehhi ur d-iqudd ara, d ccek i d-iqudden.
Llan d timerwin, yettwaṭṭfen deg yiwen wass, acku wwin yid-sen annay amaziɣ, ɣef akken d-nnan imeẓla n tɣellist. Tasunḍa tella-d s yimi, urǧin turi deg usaḍuf, maca tettwasnas akken ilaq : kra n wannay ur nelli ara d annay aɣelnaw yettwagdel sya d afella u yettwaḥsab am akken d taruẓi d tdukli taɣelnawt. S tasunḍa-agi, aṭas i yettwaṭṭfen ɣer leḥbas.
Gar-asen, amsaɣ-inu. Yettwasenked ar lukil, din din yerra-t unzarfu ar lḥebs n leɛḍil. Tamentilt : taruẓi n tdukli taɣelnawt.
Mlaleɣ yid-s di lḥebs. D abaḍni, d asusam, d imsetḥi. Bexlaf inekrafen n rray nniḍen, netta ur ihedder ara aṭas. Yettwali kan. Di tirza-inu tis kraḍ, yessaweḍ ay id-imuqel yerna ayi-d-yesteqsi :
“Mass… ayɣer iyi-ḥebsen ?”
Rriɣ-as, qrib war ma uḥtameɣ :
“Acku ufan ɣur-k annay amaziɣ. Am wiyaḍ.”
Yessader i wallen-is. Yuɣal yemmuqel-iyi-d yenna-d :
“Ala. Nekk, wwiɣ annay azzayri.”
Xcawteɣ si telqey n ttwinast-agi. Ikcem-iyi ccek. Dɣa ruḥeɣ ad d-ẓreɣ amzarfu. Sutreɣ-as ad imuqel annayen-nni i yufan ɣer wid yettwaṭṭfen. Ikukra ciṭuh, yuɣal yefka-yi tesriḥ ad ḍilleɣ ɣef ukaram.
Dɣa din, deg umuɣ n wayen ufan ɣer wid yettwaṭṭfen : walaɣ yiwen wannay. D annay aɣelnaw azzayri.
Dɣa cerḍeɣ fell-asen ad serḥen imiren kan i unekraf-nni.
Yerra-yi-d umzarfu :
“Ad nerǧu ciṭuḥ.”
Kra n wussan mbeɛd, yeddem rray… mačči akken ad s-yerr tilelli-ines i yilemẓi-nni, maca akken ad fken akaram-ines i umzarfu n wid ixedmen tiremgiyin akken ad ḥekmen fell-as.
Ur tesɛiḍ d acu i zemreɣ as iniɣ i yilemẓi-a akken ad t-qenɛeɣ. Ur zmireɣ ad as-ssegziɣ ayen ur nettwagzay ara.
Dɣa nniɣ-as, s leḥder :
“Iban ad ak-serḥen. Ur tesɛiḍ d acu ara k-d-ssuksen.”
Maca ass-nni, di tnefrut, ur yelli win umi serḥen. Yettwaḥkem akk fell-asen. Amsaɣ-inu ḥekmen-as s setta n wayyuren n lḥebs yezzmen.